كثير من نكث

واحد
الشفار دخل لواحد الدار... هي تشدو مولات الدار غلييييييظة و هي تجلس عليه
و هي تعيط على ولدها: مصطفى !!!!!! عيط دابا لبوليس... و هو يقول ليه داك
الشفار: سربي دغية أخاي مصطفى .

هادو 2 دراري تعطلو على المدرسة ,و قال ليهم المعلم : علاش تعطلتو ؟
قال ليه واحد راه طاحت ليا 10 دراهم , و هو يقول ل تاني: و نتا مالك
قال ليه: راه كنت داير رجلي عليها .

هدا
واحد الراجل مخاصم لا يتكلم مع الزوجة ديالو. كتب ليها: غدا فيقيني مع 6
صباحا...لكن ما فاق حتى 12 ...وهو يلقاها كتبا ليه : فيق راه 6 صباحا

الصحفي : ماهو السبب المباشر في ضعف الاقتصاد المغربي.
ولعلو و اليازغي : إدريس البصري.
الصحفي : ماهو السبب الغير المباشر في ضعف الاقتصاد المغربي.
ولعلو و اليازغي : البصري إدريس

هذا محماد الشلح مول الحانوتة , لقى ولدو تيشوف في شامبوان...وهو يصلع ليه.

وزير
التشغيل كان حاضر في برنامج تلفزيوني، واحد المواطن شمور. إتصل بالهاتف
وأهدى للوزير أغنية : خليت ليك الله يا الظالم لنجاة أعتابو

هدا واحد الراجل صحيييح دايما كيمشي عند البقال و كيقول له :اعطيني كوكا ولا .....؟ و البقال كيخاف منه و كيعطيهالو بلا فلوس
جا واحد النهار البقال طلع ليه الدم و قال مع راسو و الله اليوم ما
نخاف منه و اللي بغا يكون يكون . ايوا جا عنده ديك الراجل و قال له عطيني
كوكا ولا ...؟ جا البقال رد عليه :ولا شنو ؟؟؟؟ رد عليه الراجل و قال له: ولا فانتا .

واحد الراجل مشا عند البقال و قاله اعطيني بوطاغاز جاالبقال قاله و الخاوي ؟؟؟ رد عليه :غدي نشربها هنا.

هذا واحد مول الطاكسي مبوق مزيان غادي فالمدينة او هي تشير عليه واحد
المراا هو يوقف طل عليها من الشرجم او قال ليها فين غاديا أ لالة قالت ليه
السوق اَسيدي هو يقول ليها سيري أوُ متعطليش

دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع
سقرام (بخيل) شرا خبرة..شفرها ليه شمكار(مشرد) تبعو... مني شاف انو مشا عليه.. قال ليه سير صدقة ورحمة الوالدين

قال لك هدا وحد غبي قال يا رب ندير يدي في جيبي نلقى 20 درهم مني قلب جيبو لقاه متقوب و هو يرجع يقلب لتكون طاحت

امرأة
رئيس الوزراء، اتصلت بزوجها وقالت له : يمكن عندنا شفار في الدار. جاوبها:
العجب، مع العلم ان كل الوزراء حاضرين عندي في الاجتماع....

هدا واحد أحول...... تسجل في الجيش ...... حطوه في قسم القصف العشوائي.

هذا واحد الطفيلي، دائما يتدخل فيما لا يعنيه، واحد النهار لقى الناس مجمعين
على حادثة سير، وهو يقول ليهم خلوني ندخل أنا أخ الضحية، ملي دخل، لقى
حمار ميت.

هدا واحد المجرم خرج من الحبس، المحلات ديال الدرب كلهم سدوا، ماعدا محماد الشلح، وقف عليه المجرم، وقال ليه: اعطيني ساندويش، محماد الشلح خايف، نسى غلاقة ديال المونادا وسط ساندويش،المجرم قال ليه: ناري محماد اليوم ندبحك، محماد الشلح خايف جاوبو: ياه لقيتي غلاقة ديال المونادا ، وربحتي ثلاجة...

هدا واحد المقدم، مشى يخطب واحد البنت، سولوه: شحال كتخلص في الشهر، قال: أنا والقايد تنربحو 100 ألف ريال في الشهر.

هدا واحد مات مقوس، الناس معرفوش كيف يدفنوه، واحد السكيري قال ليهم دفنوه في الدورة ديال راس الدرب.

الاب ديال ادريس البصري، شاف ولدو تيلعب الكولف في فرنسا، وهو يقول: إيه يا ولدي ادريس، رجعتي للعتلة عاود ثاني.

هدي واحد المراة كتشك في راجلها، واحد اليوم لقات شعرة شهبة ،قالت
ليه : شكون هاد الشهبةاللي كنتي معاها، واحد اليوم لقات شعرة حرشة ،قالت
ليه:شكون هاد العزوة اللي كنتي معاها،واحد اليوم ملقات حتى شعرة ،قالت ليه
: شكون هاد القرعةاللي كنتي معاها....

كاليك هدا واحد الرجل
قال لولدوا سير جيب 20 فرنك ديال الزبدة
مشا الولد عند مول الحانوت كالوا كاليك بابا عطيه 20 فرنك تاع الزبدة
مول الحانوت قال للولد : سير عيط لباباك يجي يلحس الموس

هههههههههههههههه.
شكرا لك.

هدي واحد المراة كتشك في راجلها، واحد اليوم لقات شعرة شهبة ،قالت
ليه : شكون هاد الشهبةاللي كنتي معاها، واحد اليوم لقات شعرة حرشة ،قالت
ليه:شكون هاد العزوة اللي كنتي معاها،واحد اليوم ملقات حتى شعرة ،قالت ليه
: شكون هاد القرعةاللي كنتي معاها....

جميلة جدا

من طرف oumayma الأحد 26 يوليو 2009 - 12:47

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

كثير من نكث

كثير من نكث

رد: كثير من نكث

رد: كثير من نكث

رد: كثير من نكث